പെർത്ത്: ക്രിക്കറ്റിന്റെ ഏറ്റവും വലിയ ഏറ്റുമുട്ടലുകളിലൊന്നായ ബോർഡർ-ഗാവസ്കർ ട്രോഫി നാളെ ആരംഭിക്കുകയാണ്. ഇന്ത്യയും ഓസ്ട്രേലിയയും തമ്മിലുള്ള ഈ ടെസ്റ്റ് പരമ്പര എപ്പോഴും ക്രിക്കറ്റ് ആരാധകർക്ക് ഒരു വിരുന്നാണ്.
നാളെ പെർത്ത് ക്രിക്കറ്റ് ഗ്രൗണ്ടിൽ ആരംഭിക്കുന്ന ഈ പരമ്പരയിൽ ഇരു ടീമുകളും ടെസ്റ്റ് ചാമ്പ്യൻഷിപ്പ് ഫൈനലിലെ സ്ഥാനം ഉറപ്പിക്കാനുള്ള പോരാട്ടത്തിലാണ്. പരുക്കേറ്റ ശുഭ്മൻ ഗില്ലിന്റെ ഫിറ്റ്നസ് ഇപ്പോഴും സംശയത്തിലാണ്. ഇന്ത്യൻ ബോളിങ് പരിശീലകൻ മോർണി മോർക്കൽ പറയുന്നത്, ഗില്ലിന്റെ ഫിറ്റ്നസ് മത്സരദിവസം രാവിലെ മാത്രമേ തീരുമാനിക്കൂ എന്നാണ്.
Less than a day to go ⏳
— ICC (@ICC) November 21, 2024
Australia and India face off in the crucial Border-Gavaskar Trophy series, starting tomorrow 🏆
Who are you cheering for?#WTC25 | #AUSvIND pic.twitter.com/pQo0YSHvhc
ക്യാപ്റ്റൻ രോഹിത് ശർമ വ്യക്തിപരമായ കാരണങ്ങളാൽ ആദ്യ ടെസ്റ്റിൽ ഉണ്ടാകില്ല എന്നത് ഇന്ത്യൻ ക്യാമ്പിന് ഒരു തിരിച്ചടിയാണ്. പരിശീലനത്തിനിടെ പരുക്കേറ്റ ഖലീൽ അഹമ്മദിനു പകരം യഷ് ദയാലിനെ റിസർവ് സംഘത്തിൽ ഉൾപ്പെടുത്തിയിട്ടുണ്ട്.
ഇരു ടീമുകളും സമീപകാലത്ത് അത്ര മികച്ച പ്രകടനം കാഴ്ചവച്ചിട്ടില്ലെങ്കിലും, ഈ പരമ്പരയിൽ അവർ തങ്ങളുടെ മികച്ചത് പുറത്തെടുക്കുമെന്നാണ് പ്രതീക്ഷിക്കുന്നത്. ഓരോ തവണയും ഈ രണ്ട് ടീമുകൾ നേരിടുന്നത് ക്രിക്കറ്റ് ലോകത്തിന് ഒരു വിരുന്നാണ്.
