ഹൈദരാബാദിൽ നടന്ന സയ്യിദ് മുഷ്താഖ് അലി ട്രോഫി ട്വന്റി20 ക്രിക്കറ്റ് ചാമ്പ്യൻഷിപ്പിൽ കരുത്തരായ മുംബൈ ടീമിനെ 43 റൺസിന് തകർത്ത് കേരളം മികച്ച ജയം നേടി . സഞ്ജു സാംസൺ നയിച്ച കേരള ടീം കാഴ്ചവച്ച മികച്ച പ്രകടനം ക്രിക്കറ്റ് ലോകത്തെ അമ്പരപ്പിച്ചു.
ആദ്യം ബാറ്റു ചെയ്ത കേരളം 20 ഓവറിൽ അഞ്ചു വിക്കറ്റ് നഷ്ടത്തിൽ 234 റൺസെന്ന വമ്പൻ സ്കോർ അടിച്ചുകൂട്ടി. ഓപ്പണർമാരായ രോഹൻ എസ്. കുന്നുമ്മൽ (87) സൽമാൻ നിസാർ (99*) എന്നിവർ തമ്മിലുള്ള 131 റൺസിന്റെ കൂട്ടുകെട്ടാണ് കേരളത്തിന്റെ ഇന്നിങ്സിന് ഉണർവ് നൽകിയത്. രണ്ടു പേരും അർദ്ധസെഞ്ചുറി നേടിയതോടെ കേരളത്തിന്റെ സ്കോർ വേഗത്തിൽ ഉയർന്നു. മറുപടി ബാറ്റിങ്ങിനിറങ്ങിയ മുംബൈയ്ക്ക് നിശ്ചിത ഓവറിൽ ഒൻപത് വിക്കറ്റ് നഷ്ടത്തിൽ 191 റൺസ് മാത്രമാണ് എടുക്കാനായത്.
With an explosive batting display, our squad set a new record with a highest-ever team total of 234 in the SMT for Kerala. This marks our fourth 200+ score and the second time we've surpassed this milestone against Mumbai. pic.twitter.com/xJ5lmL5oI4
— KCA (@KCAcricket) November 29, 2024
മുംബൈയിൽ നിന്ന് അജിങ്ക്യ രഹാനെ (68), ശ്രേയസ് അയ്യർ (32), പൃഥ്വി ഷാ (23), ഹാർദിക് തിമോർ (23) എന്നിവർ മികച്ച പ്രകടനം കാഴ്ചവച്ചെങ്കിലും കേരളത്തിന്റെ ബൗളിംഗ് ആക്രമണത്തെ തകർക്കാൻ അവർക്ക് കഴിഞ്ഞില്ല. കേരളത്തിന് വേണ്ടി എം.ഡി. നിധീഷ് നാല് വിക്കറ്റുകൾ വീഴ്ത്തി. സി.വി. വിനോദ് കുമാറും അബ്ദുൽ ബാസിത്തും രണ്ടു വിക്കറ്റുകൾ വീതം സ്വന്തമാക്കി
