രാജസ്ഥാൻ റോയൽസ് വിട്ട യുസ്വേന്ദ്ര ചെഹൽ ഐപിഎൽ ലേലത്തിൽ 18 കോടി രൂപയ്ക്ക് പഞ്ചാബ് കിങ്സിൽ അംഗമായി. ഐപിഎൽ ചരിത്രത്തിൽ ഒരു സ്പിന്നർക്ക് ലഭിക്കുന്ന ഏറ്റവും ഉയർന്ന തുകയാണിത്. രാജസ്ഥാൻ നായകൻ സഞ്ജു സാംസണിന് നൽകിയ തുകയ്ക്ക് തുല്യമായ തുകയാണ് ചെഹലിന് ലഭിച്ചത്.
കഴിഞ്ഞ സീസണിൽ രാജസ്ഥാനായി മികച്ച പ്രകടനം കാഴ്ചവച്ച ചെഹൽ 15 മത്സരങ്ങളിൽ 18 വിക്കറ്റ് നേടിയിരുന്നു. ലേലത്തിൽ താരത്തെ സ്വന്തമാക്കാൻ ലക്നൗ സൂപ്പർ ജയന്റ്സ്, റോയൽ ചാലഞ്ചേഴ്സ് ബെംഗളൂരു, സൺറൈസേഴ്സ് ഹൈദരാബാദ് എന്നീ ടീമുകൾ തമ്മിൽ മത്സരിച്ചു.
Sadde dil da haal ➡️ 𝐂𝐇𝐀𝐇𝐀𝐋! ❤️#YuziChahal #IPL2025Auction #SaddaPunjab #PunjabKings pic.twitter.com/XWEkHh7U5c
— Punjab Kings (@PunjabKingsIPL) November 24, 2024
ഐപിഎൽ ചരിത്രത്തിൽ 160 മത്സരങ്ങളിൽ 205 വിക്കറ്റ് നേടിയ ചെഹൽ, 4602 റൺസ് വിട്ടുകൊടുത്തു. 40 റൺസ് വഴങ്ങി അഞ്ച് വിക്കറ്റ് വീഴ്ത്തിയതാണ് അദ്ദേഹത്തിന്റെ മികച്ച പ്രകടനം.
ഈ വർഷത്തെ ഐപിഎൽ സീസണിൽ പഞ്ചാബ് കിങ്സിന് ചെഹലിന്റെ അനുഭവവും സ്പിൻ ബൗളിംഗ് കഴിവും വലിയ തോതിൽ സഹായകമാകുമെന്നാണ് പ്രതീക്ഷിക്കുന്നത്.
