ബോർഡർ-ഗവാസ്കർ ട്രോഫിയിലെ ആദ്യ ടെസ്റ്റിൽ ഇന്ത്യൻ ടീമിന് ദയനീയ തുടക്കം. ടോസിലും ഭാഗ്യം കൈവരിച്ച ഇന്ത്യൻ ടീം, ഓസീസ് പേസർമാരുടെ മുന്നിൽ തകർന്നടിഞ്ഞ് 150 റൺസിന് കളിക്കളം വിടേണ്ടി വന്നു.
മത്സരത്തിൽ ആദ്യം ബാറ്റിംഗ് ചെയ്ത ഇന്ത്യയ്ക്ക് മൂന്നാം ഓവറിൽ തന്നെ ആദ്യ നഷ്ടം സംഭവിച്ചു. യശസ്വി ജയ്സ്വാൾ മിച്ചൽ സ്റ്റാർക്കിന്റെ പന്തിൽ സ്ലിപ്പിൽ ക്യാച്ച് നൽകി പുറത്തായി. തുടർന്ന് രണ്ടാം വിക്കറ്റിൽ രാഹുലിനൊപ്പം പടിക്കൽ പിടിച്ചു നില്‍ക്കാന്‍ ശ്രമിച്ചെങ്കിലും സ്റ്റാര്‍ക്കിന്‍റെയും ഹേസല്‍വുഡിന്‍റെയും പന്തുകള്‍ക്ക് മുന്നില്‍ പതറി.
Pacers give Australia the advantage on Day 1 of the Perth Test.#WTC25 | #AUSvIND 📝: https://t.co/lSYXusxmpb pic.twitter.com/LB8XIhdUbG
— ICC (@ICC) November 22, 2024
രാഹുലും കോലിയും ഇന്ത്യക്ക് പ്രതീക്ഷ നൽകിയെങ്കിലും ഹേസൽവുഡിന്‍റെ അപ്രതീക്ഷിത ബൗണ്‍സിന് മുന്നില്‍ കോലി വീണു. തുടർന്ന് രാഹുലിനെ കൂടി മടക്കി മിച്ചൽ സ്റ്റാര്‍ക്ക് ഇന്ത്യയ്ക്ക് നാലാം പ്രഹരമേല്‍പ്പിച്ചു. ലഞ്ചിനുശേഷവും ഇന്ത്യക്ക് തകർച്ച ഒഴിവാക്കാനായില്ല. ധ്രുവ് ജുറെലിനെയും വാഷിംഗ്ടണ്‍ സുന്ദറിനെയും വീഴ്ത്തിയ മിച്ചൽ മാർഷ് ഇരട്ടപ്രഹരമേല്‍പ്പിച്ചതോടെ 73-6ലേക്ക് കൂപ്പുകുത്തിയ ഇന്ത്യയെ നിതീഷ് റെഡ്ഡിയും റിഷഭ് പന്തും ചേർന്ന് 100 കടത്തി പ്രതീക്ഷ നൽകി. എന്നാൽ പാറ്റ് കമിന്‍സിനെ സിക്സിന് പറത്തിയ പന്ത് ഒടുവില്‍ 48 റൺസ് കൂട്ടുകെട്ടിനൊടുവില്‍ ടീം സ്കോർ 121ല്‍ നില്‍ക്കെ വീണു. ഹര്‍ഷിത് റാണ ബൗണ്ടറിയോടെയും ജസ്പ്രീത് ബുമ്ര സിക്സോടെയും തുടങ്ങിയെങ്കിലും ഹേസല്‍വുഡിന് മുന്നില്‍ വീണു. 59 പന്തിൽ 41 റണ്‍സെടുത്ത നിതീഷ് റെഡ്ഡിയെ പുറത്താക്കി കമിന്‍സ് ഇന്ത്യൻ ഇന്നിംഗ്സിന് അവസാനിച്ചു
