കോഴിക്കോട്: സന്തോഷ് ട്രോഫി ഫുട്ബോൾ യോഗ്യതാ റൗണ്ടിൽ കേരളം അതിശയകരമായ പ്രകടനം പുറത്തെടുത്തു. ലക്ഷദ്വീപിനെതിരെ എതിരില്ലാത്ത 10 ഗോളുകൾക്ക് വിജയിച്ച കേരളം ഫൈനൽ റൗണ്ടിലേക്കുള്ള യോഗ്യത ഏറെക്കുറെ ഉറപ്പിച്ചു.
🔥 Dominating Performance!
— Kerala Football Association (@keralafa) November 22, 2024
Kerala secures a massive 10-0 victory over Lakshadweep in our second Group H match of the 78th NFC for Santosh Trophy! 🏆⚽
An incredible display of skill, teamwork, and passion. On to the next! 💪 #SantoshTrophy #KeralaFootball pic.twitter.com/YknsLRs6Gr
കോഴിക്കോട് കോർപ്പറേഷൻ സ്റ്റേഡിയത്തിൽ നടന്ന മത്സരത്തിൽ കേരളം ആദ്യ പകുതിയിൽ തന്നെ 4-0ന് മുന്നിൽ എത്തി. രണ്ടാം പകുതിയിലും കേരളത്തിന്റെ ആധിപത്യം തുടർന്നു. പകരക്കാരനായി ഇറങ്ങിയ ഇ. സജീഷ് ഹാട്രിക് നേടിയത് കളിയുടെ ഹൈലൈറ്റായിരുന്നു. മുഹമ്മദ് അജ്സലും ഗനി അഹമ്മദ് നിഗവും ഇരട്ട ഗോളുകൾ വീതം നേടിയപ്പോൾ നസീബ് റഹ്മാൻ, വി. അർജുൻ, മുഷറാഖ് എന്നിവരും ലക്ഷ്യം കണ്ടു.
ഈ വിജയത്തോടെ കേരളം സന്തോഷ് ട്രോഫിയിൽ മികച്ച ഫോമിലാണെന്ന് വ്യക്തമാക്കി. മുൻ മത്സരത്തിൽ റെയിൽവേസിനെ 1-0ന് തോൽപ്പിച്ച കേരളം തുടർച്ചയായ രണ്ടാം ജയമാണ് സ്വന്തമാക്കിയത്.
