വിഘ്നേഷ് പുത്തൂരിന്റെ ഐപിഎൽ ലേലത്തിലെ മുന്നേറ്റം ചർച്ചയാവുക ആണ്‌
സൗദിയിൽ നടന്ന ഐപിഎൽ താരലേലത്തിൽ, ലേലം അവസാനിക്കാൻ മിനിറ്റുകൾ മാത്രം ബാക്കിനിൽക്കെ വിഘ്നേഷ് പുത്തൂരിന്റെ പേര് ഉയർന്നുവന്നത് ഏവരെയും അമ്പരപ്പിച്ചു. മുംബൈ ഇന്ത്യൻസ് താരത്തെ സ്വന്തമാക്കിയതോടെ, പെരിന്തൽമണ്ണയിലെ ഓട്ടോ ഡ്രൈവറുടെ മകൻ ഇന്ത്യൻ പ്രീമിയർ ലീഗിൽ കളിക്കാൻ പോകുന്നു എന്ന വാർത്ത കേരളത്തെ ആവേശത്തിലാഴ്ത്തി.
പെരിന്തൽമണ്ണയിലെ പിടിഎം ഗവൺമെന്റ് കോളജിൽ എംഎ ലിറ്ററേച്ചർ വിദ്യാർഥിയായ വിഘ്നേഷ് ഇടംകയ്യൻ സ്പിന്നറും ഭേദപ്പെട്ട ബാറ്ററുമാണ്. കേരളത്തിനായി അണ്ടർ 14, 19, 23 വിഭാഗങ്ങളിൽ കളിച്ച അദ്ദേഹം, ഈ വർഷം നടന്ന പ്രഥമ കേരള ക്രിക്കറ്റ് ലീഗിൽ ആലപ്പി റിപ്പിൾസിൽ കളിച്ചിരുന്നു.
<From Kerala to Mumbai! Vignesh Puthur signs with Mumbai Indians for 30L for IPL 2025🔥#kca #keralacricket #vigneshputhur #mumbaiindians pic.twitter.com/plVx9ciO0t
— KCA (@KCAcricket) November 26, 2024
വിഘ്നേഷിന്റെ ഐപിഎൽ പ്രവേശം, കേരളത്തിലെ യുവ ക്രിക്കറ്റ് താരങ്ങൾക്ക് പ്രചോദനമാകുമെന്നതിൽ സംശയമില്ല. ഒരു ചെറിയ ഗ്രാമത്തിൽ നിന്ന് വന്ന വിഘ്നേഷ് ഇന്ത്യൻ പ്രീമിയർ ലീഗിലെ താരമായി മാറിയത്, കഠിനാധ്വാനത്തിലൂടെ എന്തും സാധ്യമാണെന്ന് തെളിയിക്കുന്നു.
